Tras unha primeira edición que contou coa participación de máis de 80 estudantes, o punto de encontro de cultura e oratoria será esta vez a provincia de Pontevedra.

O Colexio Apóstol Santiago (Vigo) acollerá o sábado 2 de maio de 2026 a mozos e mozas de entre doce e catorce anos, nun torneo que, á vez que permite aos participantes dar os seus primeiros pasos no mundo da comunicación, pon en alza o gran valor da literatura galega cun formato novo.

Equipos de entre dous e tres integrantes enfrontaranse ao longo de toda a xornada a diferentes probas que lles permitirán desfrutar, aprender habilidades lingüísticas e ampliar os seus coñecementos sobre autores galegos.